12 жніўня ў мінскім Лошыцкім парку айчынны піўзавод “Аліварыя” зладзіў культурна-масавы фестываль еўрапейскага ўзроўню “А-Фэст”. Гэта ўжо другі масавы фэст у гісторыі гэтага бровара.
Лагістыка мерапрыемства была прадумана паспяхова. Іншае пытанне, наколькі фэст адпавядаў сучаснаму еўрапейскаму статусу.
Сярод сувенірных лавак – шмат прадукцыі з “Пагоняй”, магнітаў з выявай беларускіх нацыянальных дзеячоў, вялікі выбар кашуль з вышыванкай. Яшчэ некалькі гадоў таму, убачыць такое ў продажы ў падобным грамадскім месцы, было з роду нечага нерэальнага.
Уваход бясплатны, па ўсёй тэрыторыі інфармацыйныя шыльды і мапы усіх кропак фэсту, зоны адпачынку на прыродзе, сотні бясплатных біяпрыбіральняў, дзясятак забаўляльных лакацый, каля 150 фудкораў з разнастайнай ежай, галоўны і адзіны з алкагольных напояў – піва, коштам па 2,5 рублі.
У дапамогу для адпачынку на зялёнай зоне былі прадстаўлены драўляныя паддоны.
“Аліварыя” па ўсей тэрыторыі, часам можа паказацца, што старажытны шляхецкі парк ператварыўся ў вялікую піўнуху.
Разбаўляла атмасферу адмысловая музычная праграма, сярод выступоўцаў – беларуская каманда Akute, украінская спявачка Марыя Чайкоўская, нямецкі гурт De-Phazz, хэдлайнерам стаў брытанец Джон Ньюмэн, якому сваімі хітамі «Love Me Again», «Give Me Your Love» цудоўна атрымалася разварушыць народ.
Паводле ацэнкі прэс-службы “Альтэрнатывы” у фэсце на працягу дня прыняло ўдзел не менш за 100 тысяч чалавек. Якіх-небудзь значных эксцэсаў зафіксавана не было. Пад пільнай увагай супрацоўнікаў міліцыі да 23 гадзіны наведвальнікі пакінулі тэрыторыю Лошыцкага парку.
Фест был крут, не сравнимо с прошлогодним, очередей почти не было и главное что здесь были симпотные девочки