Арганізацыя

Грамадскае аб’яднанне «Альтэрнатыва» заснавана ў ліпені 2012 года групай актыўных і неабыякавых да лёсу краіны грамадзянаў Рэспублікі Беларусь.

Асноўныя мэты:

Спрыянне развіццю грамадзянскай супольнасці, грамадзянскай актыўнасці, самакіравання, дэмакратычных каштоўнасцяў, нацыянальнай культуры і народных традыцый ў Рэспубліцы Беларусь;

Абарона правоў і законных інтарэсаў грамадзянаў Рэспублікі Беларусь;

Інфармаванне беларускага грамадства альтэрнатыўнай дзяржаўным СМІ свабоднай інфармацыяй. 

Кіроўны орган аб’яднання – Канферэнцыя (праводзіцца 1 раз у 2 гады), Рада. Галоўная структура арганізацыі дзейнічае ў горадзе Мінску.

ГА «Альтэрнатыва» спецыялізуецца на арганізацыі і правядзенні разнастайных культурна-асветніцкіх, інфармацыйных, сацыяльных акцый і кампаній.

ГА «Альтэрнатыва» мае дзяржаўную рэгістрацыю ў адной з краін Еўрапейскага Саюза. У цяперашні час таксама робяцца спробы рэгістрацыі грамадскага аб’яднання «Альтэрнатыва» у Беларусі.