Днём 13 студзеня ў цэнтры Гомеля было надзвычай незвычайна і нясумна…
Вясёлае шэсце калядоўшчыкаў пад святочнай зоркай, рагатая каза і іншыя казачныя персанажы, і ўсё пад святочныя спевы і абрадавыя прымаўкі — так у другім па велічыні горадзе Беларусі адзначалі старажытны абрад Шчодры.
Імпрэзу ладзілі супрацоўнікі Гомельскага філіяла Веткаўскага музея стараабрадніцтва і беларускіх традыцый, з дапамогай неабыякавай групы падтрымкі мясцовых жыхароў. Акцыя пачалася ля будынка музея, а завяршылася на Цэнтральным рынку Гомеля.
Вось як гэта было:
Кароткае відэа з месца падзеі:
“Дзе Каза ходзіць,там жыта родзіць.Дзе Каза рогам, там жыта стогам.Дзе Каза нагой, там жыта капой.А дзе Каза хвастом,там жыта кустом!”
