У Віцебску адбылася сустрэча жыхароў горада са Станіславам Шушкевічам

3 лістапада ў віцебскім арт-пабе “Торвальд” прайшла сустрэча мясцовай грамадскасці з вядомым палітыкам-легендай эпохі 90-х гадоў – Станіславам Шушкевічам.
Дыскусійную сустрэчу пад назвай “Незалежнасць – прарыў у будучыню!” ладзіла ГА “Альтэрнатыва” у рамках доўгатэрміновай кампаніі “За незалежную Беларусь”. Вёў мерапрыемства лідар “Альтэрнатывы” Алег Корбан.
 
 
У памяшканні – аншлаг. Удзельнікі ўважліва слухаюць спіч Станіслава Станіслававіча аб цікавых дэталях падзей 90-х гадоў – таго самага часу, калі Беларусь здабыла сваю Незалежнасць і пачынала першае самастойнае палітычнае жыццё пад ціскам усё той жа савецкай наменклатуры. Пасля выступу ўсе жадаючыя змаглі задаць госцю пытанні, а таксама разам паразважаць, якія перспектывы мае сёння Беларусь, і самае галоўнае, як у цяперашніх умовах магчыма змяняць сітуацыю да лепшага.
 
 
Напрыканцы сустрэчы палітык прэзентаваў сваю кнігу “Моя жизнь. Крах и воскрешение СССР. 25 лет спустя”, а таксама з радасцю падпісаў яе ўсім ахвотным.   
 
 
Аб тым, якія непасрэдна гучалі пытанні, і якое меркаванне выказваў спадар Шушкевіч можна больш падрабязна даведацца праз публікацыю на рэсурсе tut.byhttps://news.tut.by/economics/659904.html.   
 
Кіраўніцтва “Альтэрнатывы” выказвае шчырую ўдзячнасць мясцовым СМІ за асвятленне гэтай падзеі, а таксама дырэктару “Торвальда” за прадстаўленае для сустрэчы памяшканне.  

Вам таксама можа спадабацца

One thought on “У Віцебску адбылася сустрэча жыхароў горада са Станіславам Шушкевічам

  1. Сколько же ему лет, а так хорошо держится. Спасибо за подпись под Беловежским соглашением! Дай Бог ему крепкого здоровья!

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.