Стала вядома, што на гэтым тыдні здарыўся няшчасны выпадак з сябрам “Альтэрнатывы” Аляксеем Шубара.
Гэта здарылася ў турэцкім курорце Аланія, куды ён прыехаў з кампаніяй сяброў, каб весела адпачыць. Позна ўвечары Аляксей вырашыў пайсці плаваць у мора. Па якойсьці прычыне там ён патануў. Сябры, калі заўважылі доўгую адсутнасць Аляксея, выклікалі ратаўнікоў. Пасля 45 хвілін яго знайшлі ў вадзе ад 1 км ад пляжа…
Вядома, што цяпер вырашаецца пытанне, дзе яго пахаваюць. Калі родныя з Беларусі не забяруць цела цягам 15 сутак, яго пахаваюць на мясцовых могілках для бяздомных. Яшчэ адзін з варыянтаў — адвесці яго ў Англію, дзе жыў апошнія 9 гадоў. Гэтым таксама спрабуюць займацца яго сябры.
“Хлопец быў талковы. Рупліва займаўся будаўнічымі працамі, такіх называюць рабацягамі. Раней ён браў удзел у некаторых акцыях «Альтэрнатывы» у Мінску. У 2014 годзе нават правёў адзіночны пікет побач з галоўным пляцам сталіцы – Аляксей адважыўся выйсці з плакатам, які заклікаў спыніць Пуціна і не дапусціць 3-й сусветнай вайны. За гэта яго ўпяклі на 7 сутак арышту. Праз некалькі тыдняў, ужо на волі, яго даволі сур’ёзна збілі невядомыя, давялося праходзіць лячэнне ў БСМД.
У 2015 годзе ён здолеў адкрыць брытанскую візу і адправіўся ў Лондан, дзе папрасіў палітычны прытулак. Без асобых запаволенняў улады ўхвалілі прашэнне, і Аляксей атрымаў статус уцекача. Вучыў ангельскую мову, працаваў, інтэграваўся, заўсёды заставаўся з намі на сувязі і дапамагаў, калі было патрэбна.
Як жа сумна, што так раптоўна і недарэчна, у самым росквіце сіл, абрываюцца чалавечыя жыцці”, — каментуе лідар арганізацыі Алег Корбан.
З архіву, 2014-2015 год:
R.I.P.
