У Мінску каля Адміністрацыі прэзідэнта прайшоў пікет з нагоды магчымага закрыцця тэлеканала «Белсат».
Нагадаем, што польскі ўрад прыняў рашэнне пра змяншэнне датацый на «Белсат» на 2017 год на дзве траціны.
У акцыі ўзялі ўдзел лідар “Альтэрнатывы” Алег Корбан і сябра арганізацыі Ігар Руды, адзін з кіраўнікоў Беларускай хрысціянскай дэмакратыі Павел Севярынец, кіраўнік АГП Анатоль Лябедзька, а таксама некалькі грамадскіх актывістаў.
Актывісты скандавалі «Без Белсата будзе вата», «НТВ — далоў, Белсат — дамоў», «Лукашэнка — не, Ананіч — не, Карпенка — не, Белсат — так», «Не — рускаму міру, не — Рыжскаму міру».
Севярынец заклікаў міліцыянераў і пракурораў каяцца, каб беларускі народ іх прабачыў.
Пасля акцыі, якая доўжылася каля 50 хвілін, супрацоўнік Адміністрацыі прэзідэнта запрасіў удзельнікаў пікету ў прыёмную. Тут удзельнікі акцыі пакінулі пісьмовую заяву з патрабаваннем адключыць расійскія каналы і ўключыць «Белсат» у беларускую сетку вяшчання, а таксама не ствараць перашкоды для працы незалежных журналістаў на Беларусі.
Фотаздымкі незалежных СМІ
