Падатковыя службы пачалі вяртаць «дармаецкую пошліну»

Падатковыя органы Беларусі пачалі вяртаць грошы тым, хто заплаціў збор за так званае «дармаедства» у мінулым годзе і ўжо уладкаваўся на працу.

Пр гэта паведаміла на прэс-канферэнцыі намеснік міністра па падатках і зборах Святлана Шаўчэнка.

– 9 сакавіка ў прэзідэнта адбылася нарада. Выразна было пазначана, што выплачаны падатак вернуць асобам, якія прыступілі да працы, — сказала намеснік міністра.

Святлана Шаўчэнка адзначыла, што не ўсе тыя, хто выплаціў падатак на дармаедства, напісалі заяву на вяртанне грошай. Ёсць і тыя беларусы, хто хацеў бы, каб выплачаныя сродкі пайшлі на сацыяльныя патрэбы.

Адказваючы на пытанне, колькім грамадзянам ужо вярнулі збор, намеснік міністра расказала, што канкрэтных лічбаў пакуль няма: «Распараджэнне толькі прынята, і мы літаральна на днях прыступілі да працы».

Для таго каб вярнуць грошы за выплачаны падатак, неабходна звяртацца з адпаведнай заявай у мясцовыя падатковыя органы.

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.