Новая версія «закона аб дармаедах» не менш вар’яцкая?

Улада не адступае ад спробы спагнаць з беспрацоўных грамадзян грошы ды вынаходзіць новыя формы кантролю і запалохвання гэтай катэгорыі насельніцтва?..  

25 студзеня Аляксандр Лукашэнка падпісаў «Дэкрэт №1» — новую версію «закона аб дармаедах», якая прадугледжвае адмену грашовага збору, але сплату «дармаедамі» субсідаваных дзяржавай паслуг па іх поўнай цане. Пакуль што ў афіцыйных крыніцах не змяшчаецца дакладны спіс тых самых паслуг. Верагодна, гэта будзе тычыцца аплаты камунальных паслуг, магчыма і медыцынскага абслугоўвання.  

Так змяшчаецца інфармацыя, што гарадскімі і раённымі выканкамамі мусяць быць створаны камісіі, якія будуць каардынаваць рэалізацыю дэкрэта. У складзе камісій будуць дэпутаты ўсіх узроўняў, спецыялісты органаў па працы і сацыяльнай ахове, спецыялісты з ЖКГ, міліцыі, выканкамаў і грамадскіх арганізацый.

Прычым дэкрэт прадугледжвае права гэтых камісій прымаць рашэнне аб накіраванні «працаздольных непрацуючых грамадзян, якія вядуць асацыяльны лад жыцця, у лячэбна-працоўныя прафілакторыі».

Згодна з новай пастановай, дэпутаты і чыноўнікі змогуць адпраўляць «дармаедаў» у лячэбна-працоўныя прафілакторыі без суда. Нагадаем, тэрмін такога “лячэння” складае 1 год, згодна цяперашнім законам, выдае “шчаслівы квіток” у ЛТП толькі суд. Верагодна, па новаму дэкрэту цяпер будзе дастаткова рашэння камісіі. Ці будуць чыноўнікі накіроўваць адпаведныя дакументы ў суд пакуль не ясна.

Пакуль што дакладных адказаў як будзе працаваць дэкрэт няма.

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.