Навагрудскі замак у летніх фотаздымках

Як сёння выглядаюць руіны знакамітага вялікакняжыцкага літоўскага замка ў Навагрудку – у адмысловым фотасэце ад мясцовай жыхаркі Надзеі, спецыяльна для “Альтэрнатывы”. 

Нагадаем, не так даўно тут скончыліся будаўнічыя працы па кансервацыі 2 вежаў, падчас якіх таксама былі умацаваныя земляныя схілы.

Гістарычная даведка. Навагрудскі замак быў закладзены на месцы гарадзішча на Замкавай гары — высокім, часткова насыпным пагорку, які быў абкружаны ровам. Яго будавалі з XІV па XVІ стагоддзе. Вядома, што першапачаткова ён быў драўляны, але паступова ператвараўся ў каменны. Замак быў адным з самых магутных на беларускіх (літоўскіх) землях. У яго сценах праходзілі дзяржаўныя сеймы, сустрэчы паслоў і каралёў. Да нашых дзён засталіся руіны Шчытовай і Касцельнай вежаў. На тэрыторыі замка штогод праходзяць рыцарскія фестывалі, сведкамі якіх становяцца тысячы гледачоў. 

За час шматлікіх войнаў замак руйнаваўся. Першапачаткова ад набегаў татар, пасля у час вайны 1654—1667 гг. з Масквой, а канчатковы ўдар па замкавых сценах нанеслі шведы ў час Паўночнай вайны. 

Верагодна, замак выглядаў так (праект зроблены 3D-аніматарам паводле версіі эксперта Міхася Ткачова):

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.