На вуліцах 6 гарадоў краіны з’яўляецца ўсё больш карыснай сацыяльнай рэкламы

У Беларусі з’явілася новая сацыяльная рэклама па прафілактыцы парушэнняў зроку. Кампанія стартавала ў Мінску і гарадах Брэсцкай вобласці з пачаткам новага этапу дабрачыннага праекта Беларускага дзіцячага фонду і кампаніі velcom «Я бачу!».

Мэтай кампаніі з’яўляецца дыягностыка органаў зроку ў дзяцей з сельскай мясцовасці. У 2018 годзе праект «Я бачу!» рэалізуецца ў Брэсцкай вобласці, дзе было абследавана ўжо больш за 5 тысяч дзяцей.
 
Новую сацыяльную рэкламу можна ўбачыць на білбордах і сiцiлайтах горада. Выканана яна ў двух серыях. «Я бачу ўсё, таму што харчуюся правільна!» – гэта яркія постэры, якія распавядаюць гараджанам пра ўзаемасувязь правільнага харчавання і добрага зроку. Прычым на іх не проста дэманструюцца прадукты, якія павінны утрымлівацца ў рацыёне. Плакаты дапамагаюць скласці з іх смачныя і максімальна карысныя спалучэнні і сфарміраваць сваё меню так, каб усе патрэбныя для здароўя вачэй мікраэлементы і вітаміны засвойвалiся найбольш поўна. Серыя «Знайдзі ўсе пары вачэй!» – гэта адначасова і гульня на ўважлівасць, і нескладаная гімнастыка для вачэй.
 
У рамках гэтай сацыяльнай кампаніі праекту «Я бачу!» пры падтрымцы velcom, Беларускага дзіцячага фонду і Міністэрства аховы здароўя Рэспублікі Беларусь у Мінску ўсталявана 15 білбордаў і 15 сiцiлайтаў. Яшчэ 13 білбордаў і 7 сiцiлайтаў паступова з’яўляюцца ў Брэсце, Баранавічах, Кобрыне, Ганцавічах і Пружанах.
 
Паводле арганізатараў кампаніі, за тры месяцы 2018 года выязнымі брыгадамі афтальмолагаў праекта «Я бачу!» былі абследаваны 5835 навучэнцаў 66 сярэдніх школ Брэсцкай вобласці – у Маларыцкім, Камянецкім і Кобрынскім раёнах. У 2373 дзяцей былі выяўлены паталогіі зроку, 665 дзяцям патрабавалася карэкцыя пры дапамозе акуляраў, 16 школьнікаў былі накіраваны на лячэнне ў стацыянар, 60 атрымалі накіраванні на дадатковае абследаванне.

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.