Мінскі парад 9 траўня могуць адмяніць?

Увечары 27 красавіка ў Мінску не адбылося анансаванай рэпетыцыі вайсковага параду, які плануецца на 9 траўня ў гонар Дня Перамогі

У гэты час Міністэрства абароны планавала рэпетыцыю выступлення падраздзялення ганаровай варты. Паглядзець на выступ прыйшло нават некалькі дзясяткаў чалавек, але шоу раптоўна адмянілі. Недачакаліся:
 
 
Сімвалічна: замест вайскоўцаў – машына хуткай дапамогі
 
 
Як імаверная прычына адмены парада называлася ўспышка каранавірусу ў чатырох групах удзельнікаў рэпетыцый. Некаторыя крыніцы паведамілі, што ў знакамітай вайсковай частцы 3214 ў Мар’інай Горцы вайскоўцаў тэрміновай службы за тэрыторыю часткі не выпускаюць па прычыне каранціна. Пры гэтым, даведацца ў кіраўніцтва вайсковай часткі аб’ектыўную інфармацыю нерэальна.  
 
 
Такім чынам, правядзенне святочнага парада 9 траўня ў Мінску можа быць пад сапраўднай пагрозай. Ці пойдуць улады на ўсё, нават нягледзячы на магчымую эпідэмію каранавіруса сярод вайскоўцаў, каб зладзіць той самы парад, застаецца толькі дагадвацца. Ці крыху пачакаць.       
 

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.