Стала вядома, што будзе з будынкам сталічнага аўтавакзала “Усходні”.
Яшчэ ў 2018 годзе быў агучаны план яго рэканструкцыі пад новы выставачны цэнтр “Белэкспа”. Але справа не рэалізавалася. У 2020 годзе вакзал зноў адчыніў свае дзверы для пасажыраў. Але толькі на некаторы час, бо ў жніўні мінулага году яго вырашылі зачыніць канчаткова.
Цяпер у сценах былога аўтавакзала плануюць размясціць дзіцячы тэхнічны цэнтр. Тут будуць прадстаўлены такія напрамкі, як авія– і суднамадэляванне, робататэхніка. Пра гэта заявіў старшыня Мінгарвыканкама Уладзімір Кухараў на сустрэчы з членамі моладзевых радаў пры адміністрацыях раёнаў Мінска.
“Верагодна, што калі тут і адкрыюць дзіцячы цэнтр, то не на працяглы час, бо чыноўнікі будуць спрабаваць прадаць гэты аб’ект інвестару. Калі з выставачным цэнтрам не атрымалася, то можа з буйным бізнесам некалі нешта атрымаецца”, – каментуе грамадскі дзеяч Алег Корбан.
Пакуль жа памяшканні “Усходняга” пустуюць, па-ранейшаму выкарыстоўваецца толькі парковачная тэрыторыя для аўтобусаў:
Як у 2018 годзе выглядаў пасля закрыцця гэты знакаміты аўтавакзал можна паглядзець у нашым фотарэпартажы.
Бонус: вось такі выгляд на вакзал зафіксаў наш дрон у 2021 годзе:
Усходні памятаю з дзяцінства, там тады вялікая двіжуха была і шмат-шмат люду. А цяпер ён стаў прывідам, хоць фільмы здымай