Ці будзе ўратавана сядзіба Дамейкаў?

Гістарычная сядзіба Дамейкаў на Жыбартоўшчыне працягвае руйнавацца. Тым часам ёсць спадзеў на яе хуткае адраджэнне. 

Яшчэ ў мінулым годзе новы ўласнік сядзібы Канстанцін Шуляк распачаў на месцы старажытнага маёнтка ўзвядзенне цаглянага будынка. Тут жа мяркуецца пабудаваць і лазню. 

Паводле каментара Шуляка незалежным СМІ, маецца намер аднавіць і саму сядзібу, стварыць тут адмысловы музей Ігната Дамейкі. 

«Мы б хацелі аднавіць, наколькі гэта магчыма», – адзначыў ён.

Але цяпер на месцы гістарычнага маёнтка поўным ходам ідуць працы па будаўніцтву новых збудаванняў, да самой сядзібы пакуль чарга не дайшла. Паводле слоў аднаго з будаўнікоў, сядзібу плануюць пачаць адраджаць пасля завяршэння працы над новабудоўлямі. Пакуль жа спадчына Дамейкаў працягвае паступова разбурацца. 

За апошні год абрынулася яшчэ адна частка даху, а таксама моцна пацярпела падлога. Аўтэнтычнасць гэтага аб’екта усё больш сыходзіць у небыццё.  

Навокал – хараство прыроды, яскрава і захапляльна цвіце бэз, а старадаўнія дубы і клёны быццам бы вітаюць сваімі шырокімі крыламі ўсіх гасцей Жыбартоўшчыны. 

Ігнат Дамейка (1802-1889 гг.) – вядомы айчынны дзеяч, філамат, удзельнік паўстання 1830—1831 гадоў, беларускі, польскі і чылійскі навуковец-даследнік, геолаг, мінеролаг, рэктар Чылійскага ўніверсітэту, Нацыянальны герой Чылі. У Жыбартоўшчыне Ігнат Дамейка жыў некалькі гадоў у дзяцінстве, а таксама 4 гады на заходзе свайго зямнога жыцця.  

 

 

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.