Чаму Кастусь Каліноўскі мусіць быць пахаваны ў Вільні

Сярод свядомых беларусаў не сціхаюць спрэчкі аб лёсе парэшткаў Кастуся Каліноўскага, знойдзеных нядаўна падчас рэканструкцыі Замкавай гары ў Вільні.

Частка дзеячоў культуры і прадстаўнікоў беларускай інтэлігенцыі звярнуліся да кіраўніцтва Літвы з просьбай пахаваць Кастуся Каліноўскага ў Беларусі. У падтрымку такой ідэі нават з’явілася электронная петыцыя, якую ўжо падпісала больш за 4 тысячаў чалавек. Але літоўскі бок у пытанні з пахаваннем знойдзеных парэшткаў пакуль качаткова не вызначыўся.

Але ці не заслугоўвае наш нацыянальны Герой свайго спачыну ўсё ж на гістарычнай зямлі ў старадаўняй Вільні? Такой версіі прытрымліваюцца многія іншыя дзеячы культуры і навукі, грамадзянскай супольнасці, у тым ліку і кіраўніцтва ГА “Альтэрнатыва”. І вось чаму.

1. Вільня у свой час была сапраўдным цэнтрам нашай навукі і культуры. Сваім беларускім яго лічылі і паўстанцы. Менавіта ў Вільні наш Яська гаспадар з-пад Вільні (так ён падпісваўся ў некаторых публікацыях) каардынаваў паўстанне, тут у яго было каханне з той самай Марыськай Чарнабровай, тут яго арыштавалі, і тут ён быў пакараны смерцю праз павешанне, а на Замкавай гары быў пахаваны ў братняй магіле.

2. Відавочна, што афіцыйныя ўлады Беларусі панічна баяцца гэтай гераічнай постаці. Нават яго парэшткаў! Зразумела, бо інакш гэтае месца можа стаць сапраўдным месцам паломніцтва свядомых беларусаў. Увогуле, у апошнія гады не сціхалі спробы дзяржаўных чыноў прынізіць ролю нацыянальнага-вызвольнага паўстання 1863-1864 гг., нават аб’яўлялі Каліноўскага палякам, барацьбітом выключна за інтарэсы панства і г.д. Ідэю ініцыятыўных грамадзян аб усталяванні ў Мінску помніка Кастусю Каліноўскаму, наўпрост, закаталі ў асфальт. Дык якога стаўляння можна чакаць ад іх цяпер? Хіба нешта змянілася? Свядомыя беларусы не змаглі ўратаваць сімвалічную лаўку Клінтана ў Курапатах, а вось помнік, які так моцна будзе напружваць не толькі афіцыйны Мінск, але і Маскву, хіба будуць здольныя ўратаваць?

3. Вільня (Вільнюс) – найбольш справядлівая і прымальная прапанова! Гэта яго асэнсаваная Радзіма. Менавіта тут яго парэшткі (як і многіх іншых паўстанцаў) заслугоўваць спачын.

Перакананыя, што Літоўскія ўлады змогуць арганізаваць цырымонію пахавання на высокім ганаровым узроўні! І адно з такіх месцаў у Вільні – знакамітыя могілкі Росы, дзе пахаваны шэраг герояў не савецкай беларускай гісторыі.

Вам таксама можа спадабацца

Пакінуць адказ

Ваш адрас электроннай пошты не будзе апублікаваны.

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.