Актывіст Уладзь Сяргееў трапіў у рэанімацыю

Актывіст “Альтэрнатывы” Уладзь Сяргееў зараз знаходзіцца ў апёкавым цэнтры ў рэанімацыі.

Вядома, што ён знаходзіўся ў кампаніі сяброў на лецішчы пад Мінскам, у вёсцы Грэбенка. Ноччу, па невядомай прычыне, у будынку здарыўся пажар, Уладзя змаглі выцягнуць на вуліцу ў апошні момант, з-за чаго ён атрымаў моцныя апёкі. 

У цяперашні момант ён у пакоі рэанімацыі, лекары не даюць ніякай інфармацыі, апроч таго, не дазваляецца яго наведванне. 

Кіраўніцтва “Альтэрнатывы” сумесна з яго сябрамі і салідарнай грамадскасцю спрабуе даведацца больш інфармацыі аб стане яго здароўя і магчымасці аказання яму дапамогі. Верагодна, для яго лячэння будзе ладзіцца збор грошай.   

                                  
                                  Уладзь Сяргееў на дабрачыннай акцыі ў Гомельскай школе-інтэрнаце

Прэс-служба “Альтэрнатывы” будзе пільна сачыць за лёсам Сяргеева і паведамляць пра яго лёс дадаткова. 
 

 

Вам таксама можа спадабацца

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Гэты сайт выкарыстоўвае Akismet для барацьбы са спамам. Даведайцеся пра тое, яе апрацоўваюцца вашы дадзеныя.